Сейтқазы мен Әсет Матаевтарға кінәларын мойындату үшін қысым жасалуда

18 Апреля 2016 2382 Матаев, қысым, тергеу

Алматы. 18 сәуір. Ақпараттар орталығы.Қазақстан журналистер одағының басқарма төрағасы Сейтқазы Матаев пен ҚазТАГ-тың бас директоры Әсет Матаевқа кінәларын мойындату үшін қысым жасалуда, деп хабарлады қорғаушы Андрей Петров.

«Біз қорғаушылар ретінде істе ешқандай дәлел жоқ деген бір ойға келдік. Біздің қорғалушыларымыз Сейтқазы Матаев пен Әсет Матаев өз кінәларын мойындамай отыр. Бөгде біреу қысым жасап, оларға кәніларын мойындатуға тырысып жатқандай. Бүгінде Сейтқазы Матаевтың денсаулығы күрт нашарлап кетті, бұл жағдайды жемқорлыққа қарсы қызметтің қызметкерлері оңтайлы пайдалануда, қысым жасауға тырысып бағуда» - деді А.Петров дүйсенбідегі баспасөз конференциясында.

А.Петров хабарлағандай, бүгінде дәрігерлердің емдеу бойынша кеңестері бар, тіпті хирургиялық әрекет те көрсетілген.

«Сейтқазы Матаев бірқатар тексерістерден өтті. Дәрігерлер не себепті оның қысымы көтерілетінін анықтады – бұл бүйрек. Оны емдеу туралы бірқатар нұсқаулар бар. Дәрігерлер келесі жолы оны ауруханаға жатқызу тағы да созылып кететін болса аман қалуы екі талай деп ескертті. Осы жолы оның ауруханаға жатуына кедергілер келтірілген болатын. Бүгінде хирургиялық әрекет жасау туралы кеңестер берілген», - деді А.Петров.

Осы ретте ол хабарлағандай, тергеу органдарының С.Матаевқа медициналық көмек көрсетуге кедергі келтіру фактілері болған.

«Сейтқазы Матаев өз пәтерінде жатып, қысымы 260/140 көтерілген сәтте қызметкерлердің тергеу жүргізуге тырысқан кездері болған. Осы жағдайға Бас прокуратура мен қалалық прокуратураны назар аударуға шақырамыз», - деп баса айтты А.Петров.